Taubleyjur eru hagkvæmari en einnota bleyjur og geta sparað fjölskyldum hundruði þúsunda á bleyjutímabilinu. Þær endast í mörg ár, henta fyrir fleiri börn og draga úr úrgangi. Lestu meira um hvernig þú getur sparað með fjölnota bleyjum!

  Það er eðlilegt að finnast taubleyjulífið vera mikið í byrjun, en mundu að þú þarft ekki að kunna allt strax. Smám saman verður þetta einfaldara, og við erum hér til að styðja þig. Þetta blogg er fyrir öll sem vilja fara af stað en þurfa aðstoð við sín fyrstu skref🤝 1. Fyrst þarftu að kynnast kerfunum sem eru í boði. Byrjaðu á því að lesa þetta blogg um mismunandi kerfi taubleyja og sjáðu hvort að eitt kerfi talar sérstaklega til þín. Almennt mælum við með að prófa flest kerfi áður en þú kaupir allt safnið þitt því annars áttu í hættu með að kaupa of mikið af því sem hentar ykkur síðan kannski ekki🤷🏻♀️ Með smá rannsóknum munt þú finna það sem hentar þér og fjölskyldunni best. 2. Þetta hefst síðan allt saman á fyrstu bleyjunum. Um leið og þið eruð komin með þær í hendurnar þá eru þið farin af stað. Við mælum með að byrja á nógu mörgum bleyjum til að dekka einn dag í taubleyjum, eða a.m.k. tvo hálfa daga. Það eru yfirleitt 5-6 taubleyjur og blautpoki. Gott er að prófa einnota eða fjölnota renninga líka (e. disposable liners) sem grípa kúk og gerir þrifin töluvert einfaldari. 3. Ef þú vilt ekki kaupa tilbúna pakka þá er um að gera að útvega sér þær bleyjur sem þér líst vel á, notaðar eða nýjar. Oft er hægt að finna vel með farnar notaðar bleyjur í Barnaloppunni og á Taubleiutorginu á Facebook. Við mælum ekki með að sanka að sér allskonar taubleyjum af mismunandi tegundum og taubleyjumerkjum því það getur bara ruglað þig í rýminu og gert þetta töluvert flóknara en þetta þarf að vera. Ef þú vilt prófa allar gerðirnar, reyndu þá bara að kaupa eina af hverri gerð til að prófa og svo kaupirðu meira að því sem þú fílar. Einnig er gott að kynna sér hvað þarf að hafa í huga þegar keyptar eru notaðar bleyjur, þú getur lesið þér betur til um það hér. Nýburableyjuleigan okkar er svo alveg tilvalin til að prófa taubleyjur fyrstu 1-2 mánuði barnsins en þar færðu í raun fullt safn af taubleyjum og alla aukahluti sem þú þarft til að nota eingöngu taubleyjur fyrstu mánuðina. Þar sem nýburar vaxa svo hratt í byrjun mælum helst alltaf með því að kaupa ekki nýburableyjur heldur frekar fá þær lánaðar eða leigja þær.4. Ef þú hefur tök á því að þrífa annanhvern dag þá mælum við með að eiga 16-20 bleyjur. Þú getur tínt í safnið þitt smátt og smátt eða keypt allar bleyjur í einu sem þér líst vel á.🧸5. Þegar þið eruð komin með bleyjurnar í hendurnar skulið þið lesa þetta blogg hér um hvernig á að preppa þær og nokkrar þumalputtareglur varðandi tau. Einnig skaltu horfa á þetta myndband um hvernig skal setja taubleyju á barn og síðan kanski lesa þetta blogg hér um tau og kúk.💩6. Þegar þið eruð búin að lesa hvernig hvernig á að preppa þær og þekkið þumalputtareglurnar skulið þið einfaldlega fara af stað. Núna er að kynnast taubleyjulífinu sjálfu og tími til að spá í þvottarútínu.🧺 Hér er okkar tillaga að einfaldri þvottarútínu til viðmiðunar🌸 Góð þvottarútína er mjög mikilvæg því taubleyjan er næst húð barnsins og því skiptir miklu máli að bleyjurnar séu hreinar.✨ Einnig er gott að hafa í huga að þvottaefni og önnur aukaefni geta safnast fyrir í þvottavélinni og því gott að huga að hreinlæti þvottavélarinnar líka. Hér er tillaga að því hvernig þú djúphreinar þvottavélina. 7. Farðu af stað og hafðu í huga að í byrjun gertur þetta verið svolítið brösulegt. Verið opin gagnvart leka og almennum ruglingi. Besta ráðið hér er að hlæja bara og reyna betur. Áður en þú veist af ertu komin með skothelda rútínu sem flæðir vel með heimilislífinu þínu. Hér er tékklisti fyrir leka💦 8. Byrjaðu á því að nota bara þau innlegg sem fylgja með🤍 Kanski eru þau nóg- kanski þarftu meira eða eitthvað öðruvísi. Það er ómögulegt að vita hvað þú þarft án þess að prófa bleyjurnar fyrst. Sum börn eru ofurpissarar og þurfa extra rakadrægni á meðan önnur eru bara góð með það sem fylgir. Hér er blogg um mismunandi innlegg. 9. Þegar þú ert 100% viss um að tau er eitthvað sem þú vilt halda áfram með þá mælum við með því að byrja að tína að sér aukahluti sem gerir tauið svo miklu miklu miklu auðveldara og þægilegra. Hér er okkar tjékklisti✔️☑️  Extra stór deluxe blautpoki til að eiga heima fyrir óhreinu taubleyjurnar☑️  Úrval blautpoka með aðskildum hólfum til þess að hafa í skiptitösku☑️  Hríspappír til þess að setja í bleyjuna til þess að grípa kúk eða til þess að passa upp á bleyjunar ef þú þarft að nota zink krem☑️  Fjölnota þurrkur - hvers vegna ekki bara að taka þetta alla leið? 10. Ef þú ert með einhverjar spurningar sem við höfum ekki svarað hér þá máttu endilega kíkja á þetta blogg um þær algengustu spurningar sem við fáum á borðið til okkar og sjá hvort að þú finnur ekki lausnina þar🪄 Ef ekki þá skaltu ekki hika við að hafa samband við okkur á instagram, spjallinu, Facebook eða einfaldlega hringja í okkur! Einnig mælum við með því að skrá sig á "Taubleiutjatt" eða í Cocobutts fjölskylduna - lokaða facebookhópinn okkar fyrir stuðning og hvatningu!11. Þegar þið eruð búin að tækla daginn þá gæti verið góð hugmynd að spá í næturvaktinni líka✨💤 Hér finnur þú gott blogg um næturbleyjur. Ef þú ert með ofurpissara mælum við eindregið með ullarbuxum yfir næturbleyjur.Þetta eru ráðin og skrefin sem munu koma þér af stað. Allar aðrar upplýsingar eru í raun aukatriði sem þú þarft ekki að spá í nema að þú raunverulega vilt það! Mundu að taubleyjulífið er ferðalag sem vert er að taka fyrir þig, fjölskylduna og umhverfið allt. Gangi þér vel og ekki hika við að hafa samband ef einhverjar spurningar vakna! Við erum saman í þessu💖 Láttu vita hvernig gengur, við elskum að heyra frá þér og fjölskyldunni þinni!

Rétt þvottarútína er einn mikilvægasti þátturinn í að halda taubleyjunum þínum í topp standi, og hún tryggir að bleyjurnar haldist hreinar, lyktarlausar og endist sem lengst. Þó að það sé engin ein uppskrift sem hentar öllum, þar sem fjölskyldur hafa mismunandi þvottavélar, börn og þarfir, þá er alltaf hægt að byrja á grunnrútínu og aðlaga hana eftir þörfum.   Við höfum sett saman tillögu að góðum upphafspunkti fyrir þvottarútínu. Ef hún hentar þér fullkomlega, þá ertu á réttri leið! Ef ekki, er auðvelt að breyta rútínunni eftir þínum þörfum – oftast þarf bara að skoða skolunina eða þvottaefnið.   Ef þú lendir í vandræðum með þvottinn, skaltu ekki hika við að hafa samband við okkur. Við erum hér til að hjálpa þér að sigla í höfn!   Athugið: Tillögur að þvottaefnum má finna neðst í þessu bloggi.   Sjá einnig:Þvottarútína fyrir ullarbleyjur má finna hérÞvottarútína fyrir tíðavörur má finna hérÞvottarútína fyrir þjálfunarnærbuxur má finna hér   Geymsla notaðra bleyja Notaðar bleyjur skal geyma á baðherbergi eða í þvottahúsi í opnu íláti eða góðum geymslupokum sem lofta. Við mælum sterklega með Pail liner, en það er einnig í lagi að nota bala eða vask sem tryggir gott loftflæði. Pro tip: Gættu þess að geyma bleyjurnar þurrar – geymsla í vatni getur skemmt bleyjurnar og teygjurnar.   Ef bleyja verður fyrir kúki, skaltu skola hana að kvöldi eða strax. Það er hins vegar ekki nauðsynlegt að skola bleyjur sem aðeins hafa verið pissað í – þær má geyma fram að þvottadegi.   Þvottarútína Við mælum heilshugar með að nota þrjá aðskilda þvottahringi (nýtt prógramm í hvert skipti), því flestar vélar skipta ekki um vatn milli hringja innan sama prógramms, sem getur valdið því að þvotturinn verði ekki nægilega hreinn.   Klassískur taubleyjuþvottur Fyrsti hringur: Kalt skol án þvottaefnis (Rinse + Spin). Annar hringur: Langur hringur á 60°C með þvottaefni (minnst 2 klst). Þriðji hringur: Kalt skol án þvottaefnis.    Ofnæmisstilling Ef þvottavélin þín er með ofnæmisstillingu sem þrífur við 60-63°C í 2,5-4 klst og skiptir um vatn á milli hringja, geturðu sleppt síðasta skolinu í lokin.   Pro tip: Eftir þvott er gott að þreifa á bleyjunum og lykta af þeim. Ef þær lykta ekki af þvottaefni eða súru ætti allt að vera í lagi. Ef þvotturinn er ekki alveg rétt skolaður, getur verið gott að setja þær í annan „Rinse + Spin“.   Þurrkun Við mælum með að þurrka bleyjurnar í lofti. Ef þú þarft að nota þurrkara skaltu nota lága hita stillingu fyrir innleggin. Pro tip: Settu aldrei skeljar eða vasar í þurrkara þar sem hitinn getur eyðilagt teygjurnar og ytra efnið.   Algengar spurningar og svör   Hvaða þvottaefni ætti ég að nota?Á Íslandi eru til margir möguleikar þegar kemur að þvottaefnum. Þumalputtareglan er sú að nota þvottaefni sem inniheldur ekki of mikla sápu eða ensím, þar sem þau geta skaðað bleyjurnar með tímanum. Smkv könnun (2013) innan Taubleiusamfélagsins á Íslandi voru eftirfarandi vörur vinsælastar: Neutral, Nappy Lover frá Nimble, og Milt fyrir Barnið. Aðrar vinsælar vörur eru Balja, Fairy Non Bio og Biotex.   Má ég þvo eitthvað fleira með bleyjunum?Já! Sérstaklega ef þú átt ekki nægar bleyjur til að fylla vélina 4/5. Margir bæta minni hlutum í vélina eftir fyrsta skol (án þvottaefnis). Þetta sparar vatn og hjálpar til ef þú ert með litla þvottavél.Pro tip: Þjálfunarnærbuxur og fjölnota tíðavörur eru frábærar til að þvo með bleyjunum.   Má ég nota mýkingarefni?Nei, mýkingarefni skemma bleyjurnar og draga úr virkni þeirra.   Hversu oft þarf ég að þvo bleyjurnar?Þetta fer eftir því hversu margar bleyjur þú átt og hversu oft þú hefur tíma til að þvo og þurrka. Sumir þvo daglega, aðrir annan hvern dag. Mikilvægast er að geyma ekki bleyjurnar of lengi án loftflæðis, þar sem það getur valdið myglu og vondri lykt.   Ályktun Það getur tekið tíma að finna hina fullkomnu þvottarútínu, en með réttri geymslu, þvotti og þurrkun munu taubleyjurnar endast lengi og halda barninu þínu hreinu og þurru. Ef þú lendir í vandræðum með bleyjuþvottinn, skaltu ekki hika við að leita ráða, hvort sem er hjá okkur eða í netspjallhópum á Facebook eins og „Þvottaráð fyrir taubleyjur.“   Sjá einnig: Svona djúphreinsar þú þvottavélina þína Svona djúphreinsar þú taubleyjurnar

  Einnota vörur eins og barnableyjur, tíðavörur og lekavörur fyrir fullorðna skapa mikið magn úrgangs á hverju ári. Í raun er áætlað að á Íslandi einar og sér fari yfir 29 milljónir einnota barnableyja og nær 24 milljónir tíðavara í urðun árlega. Þetta magn hefur mikil umhverfisáhrif og eykur álagið á landfyllingar. En það eru til valkostir sem draga úr þessum áhrifum: margnota nauðsynjavörur og þjálfa börnin úr bleyjum snemma. Ávinningur af því að velja margnota nauðsynjavörur: 1. Úrgangsminnkun Margnota bleyjur, tíðavörur, þjálfunarnærbuxur og lekarvörur koma í stað þúsunda einnota vara yfir líftíma þeirra. Til dæmis getur eitt barn notað yfir 6.000 einnota bleyjur á fyrstu árunum, á meðan 30-40 fjölnota bleyjur munu endast allt það tímabil og jafnvel lengur. 2. Náttúruleg efni og betri fyrir heilsu Margnota vörur eru oft gerðar úr náttúrulegum efnum eins og lífrænni bómull eða bambus, sem eru mildari fyrir húðina. Þetta á ekki aðeins við um bleyjur, heldur einnig um tíðavörur og lekarvörur fyrir fullorðna. Með því að forðast kemísk efni og plast minnkar hættan á húðertingu, útbrotum og óþægindum. 3. Minni kostnaður til lengri tíma Þó að margnota vörur séu dýrari í upphafi, eru þær hagkvæmari til lengri tíma þar sem þær endast í mörg ár og má jafnvel selja þær áfram. Þú getur sparað þúsundir króna með því að velja margnota vörur í stað einnota. 4. Hægt að aðlaga að þörfum Margnota bleyjur, tíðavörur og þjálfunarnærbuxur bjóða oft upp á fjölbreytta möguleika. Þær eru stillanlegar og hannaðar til að henta mismunandi aldri og þörfum, sem gerir þær sveigjanlegar í notkun. Tölur sem sýna umfang einnota vara á Íslandi: Barnableyjur: Um það bil 29.200.000 bleyjur notaðar árlega. Tíðavörur: Um það bil 23.943.600 tíðavörur notaðar á hverju ári. Lekavörur: Mikill fjöldi fullorðinna einstaklinga notar einnota lekarvörur, en það er erfitt að áætla nákvæma tölu. Niðurstaða Margnota nauðsynjavörur eru umhverfisvænni og hagkvæmari valkostur sem hjálpar til við að draga úr úrgangi og umhverfisáhrifum. Þessar vörur bjóða upp á betri möguleika fyrir bæði heilsu og fjárhag, en um leið minnka þær magn einnota úrgangs sem annars myndi fara í urðun. Veldu margnota og leggðu þitt af mörkum til hreinna umhverfis.

Heilsufarslegur ávinningur fjölnota lekavara Fjölnota tíðavörur og lekavörur hafa ekki aðeins umhverfis- og hagkvæmniskosti, heldur bjóða þær einnig upp á ávinning fyrir heilsuna. Hér eru nokkur atriði sem gera fjölnota tíða- og lekavörur að heilbrigðari valkosti en einnota vörur: Lausar við skaðleg efni:Flestar einnota bleyjur, tíðabindi og þvagleka vörur innihalda efni eins og ilmefni, plast, dioxín og önnur efni sem eru ekki náttúruleg. Sum þessara efna geta valdið ertingu á viðkvæmri húð, sérstaklega með langvarandi notkun. Fjölnota tíða- og lekavörur eru oft gerðar úr náttúrulegum eða ofnæmisprófuðum efnum sem eru mildari fyrir húðina, svo sem lífrænni bómull eða bambus. Þetta dregur úr hættu á ertingu, útbrotum og óþægindum. Betri fyrir viðkvæma húð:Einnota þvagleka- og tíðavörur innihalda oft efni sem eru hönnuð til að draga í sig raka en þau geta stundum lokað fyrir loftflæði, sem getur valdið raka, óþægindum og í sumum tilfellum sýkingum. Fjölnota tíða- lekavörur eru yfirleitt hannaðar til að veita betra loftflæði og halda húðinni þurri, sem er mikilvægur þáttur fyrir þá sem nota vörurnar daglega eða í langan tíma. Forðast ofnæmisvaldandi efni:Einnota bindi og bleyjur geta innihaldið efni eins og bleikingarefni og gerviefni sem geta valdið ofnæmisviðbrögðum hjá sumum einstaklingum. Fjölnota tíða- lekavörur, sérstaklega þær sem eru gerðar úr lífrænum efnum, eru almennt lausar við þessi efni og eru því betri kostur fyrir þá sem eru með viðkvæma húð eða eru næmir fyrir ofnæmi. Minni hætta á sýkingum og sveppasýkingum:Þar sem fjölnota lekavörur eru hannaðar til að leyfa húðinni að anda, minnkar hættan á raka og þar með hættan á bakteríumyndun, sem getur valdið sýkingum eða sveppasýkingum. Þetta er sérstaklega mikilvægt fyrir þá sem eiga við reglulegan þvagleka að stríða, þar sem langvarandi raki getur haft neikvæð áhrif á heilsu húðarinnar og flóru kynfæranna. Efnainnihaldið skýrt:Þegar þú velur fjölnota tíðavörur og lekavörur, veistu nákvæmlega hvaða efni eru notuð. Margir framleiðendur leggja áherslu á gagnsæi varðandi efnainnihald, svo sem lífræn efni og litarefni, á meðan það er ekki alltaf ljóst hvað einnota vörur innihalda. Þannig geturðu verið öruggari með að varan sem þú notar sé bæði örugg og heilbrigð fyrir líkamann. Niðurstaða: Fjölnota tíða- og lekavörur eru ekki aðeins betri fyrir umhverfið heldur einnig fyrir heilsuna. Með því að forðast skaðleg efni, leyfa húðinni að anda betur og bjóða upp á náttúruleg, ofnæmisprófuð efni, veita þessar vörur þægilegri og öruggari notkun, sérstaklega fyrir viðkvæma húð. Að velja fjölnota vörur er því ekki aðeins umhverfisvæn ákvörðun heldur líka hollari valkostur fyrir þína persónulegu vellíðan.

Fjölnota tíðavörur, eins og tíðabuxur, eru umhverfisvænn og hagkvæmur kostur fyrir tíðahringinn. Þær eru ekki aðeins þægilegar í notkun heldur draga þær einnig úr magni einnota rusls sem safnast upp. En rétt umhirða er lykilatriði til að tryggja að tíðavörurnar endist lengi og haldi virkni sinni. Hér eru nokkur ráð til að sjá til þess að fjölnota tíðavörurnar þínar haldist í topp standi í hvert skipti. 1. Skolaðu strax eftir notkunTil að forðast að blettir festist í efnið er gott að skola fjölnota tíðavörurnar í köldu vatni strax eftir notkun. Þetta mun einnig hjálpa til við að losna við umfram blóð áður en þú setur þær í þvottavélina. 2. Þvottur á fjölnota tíðavörumÞað er hægt að þvo fjölnota tíðavörurnar í þvottavél við 40-60°C. Veldu hitastig sem hentar þér best, en 60°C er tilvalið til að sótthreinsa vörurnar og fjarlægja bletti. Notaðu milt þvottaefni án ilmefna til að koma í veg fyrir ertingu og forðastu mýkingarefni, þar sem það getur dregið úr virkni og rakadrægni efnisins. 3. ÞurrkunTil að varðveita endingartíma fjölnota tíðavara er best að láta þær þorna á snúru. Ef þú notar þurrkara skaltu velja stillingu með lágum hita. Mikill hiti getur skemmt teygjur og efni, þannig að loftþurrkun er betri kostur. 4. Geymsla milli tíðahringaEftir að þú hefur þvegið og þurrkað fjölnota tíðavörurnar skaltu geyma þær á þurrum og hreinum stað þar til þær eru næst notaðar. Þetta tryggir að þær haldist ferskar og tilbúnar fyrir næsta notkunartímabil. 5. Hvernig á að koma í veg fyrir blettamyndunEf þú vilt draga úr hættu á blettum er mikilvægt að fylgja þessum ráðleggingum: Skolaðu strax með köldu vatni. Ef þú hefur tíma, láttu fjölnota tíðavörurnar liggja í bleyti í köldu vatni í nokkrar klukkustundir áður en þú setur þær í þvottavélina. Fyrir þráláta bletti getur verið gagnlegt að nota náttúrulega blettaeyði eins og matarsóda eða edik, eða setja út í gluggakistu í sólbað. 6. Hvenær ættir þú að skipta út fjölnota tíðavörum?Þótt fjölnota tíðavörur geti endst í mörg ár ef þær eru meðhöndlaðar rétt, er mikilvægt að fylgjast með merkjum um slit. Ef efnið er farið að missa virkni, skemmist eða verður erfitt að þrífa getur verið kominn tími til að endurnýja vörurnar. NiðurstaðaMeð því að fylgja þessum ráðleggingum um umhirðu og þvott getur þú tryggt að fjölnota tíðavörurnar haldi virkni sinni lengi og hjálpað til við að draga úr umhverfisáhrifum. Rétt umhirða eykur líftíma vörunnar og sparar bæði tíma og peninga til lengri tíma litið.   Gangi þér vel!