Taubleyjulánspakki

Þú ert líklega að lesa þetta blogg því þú ert að huga að því að koppa eða klósettþjálfa barnið þitt. Ég veit þér gæti fundist þetta langt blogg en þetta er krefjandi, mikilvægt en líka skemmtilegt verkefni og við viljum veita þér allar upplýsingar og möguleg bjargráð sem gætu hjálpað ykkar ferli! Fáðu þér nú einn kaffibolla og sökktu þér í þetta verkefni okkur og lestu vel og vandlega. Við erum með þér í þessu!Mundu að öll börn eru misjöfn... ... og það er hægt að kenna börnum á kopp á ýmsan hátt. Við hjá Cocobutts mælum með EC (Elimination Communication) sem gengur útá það að lesa merki barnsins og að skapa sambönd á milli orða og þarfa. Þetta blogg er þó ekki alfarið um EC þar sem það eru klárlega heil fræði útaf fyrir sig. En hér höfum við blandað saman ráðum úr EC og hefðbundinni koppaþjálfun! Hvernig veistu að barnið þitt er tilbúið fyrir koppaþjálfun?Áður en þú byrjar á koppaþjálfun skaltu ganga úr skugga um að barnið þitt sé tilbúið í þetta skref. Börn á aldrinum 18-24 mánaða eru oft að sýna fyrstu merkin um að vera tilbúin, en ekki endilega tilbúin í stífa koppaþjálfun. Flest börn eru tilbúin á aldrinum 18 mánaða til 3 ára, en hvert barn er misjafnt. Koppaþjálfun er ekki bara "allt eða ekkert" – sum börn þurfa meiri tíma og skref-fyrir-skref nálgun hentar þeim betur.Leitaðu að merkjum um að barnið sé tilbúið, eins og að sýna áhuga á baðherberginu eða eru þurr í lengri tíma. Einnig er sterkt merki þegar barnið þitt streytir mikið á móti á meðan það er verið að skipta á því. Fleiri merki: Ef bleyjan helst þurr í 2 tíma í einu Ef bleyjan er þurr eftir lúr Sýnir óþægindi þegar það er með blauta bleyju Felur sig til að pissa eða kúka Pissar sjaldnar en meira í einu Getur dregið niður og hysjað upp buxurnar sjálft Getur setið kyrrt í 2-5 mínútur Skilur og fylgir einföldum leiðbeiningum Börn þurfa ekki alltaf að vera tilbúin. Oftast nægir að þið sem foreldrar séuð tilbúin að taka þetta skref ef barnið þitt er heilbrigt og ekki með nein frávik sem tengjast þroska þess. Mundu að börn læra best með því að fylgjast með! Við mælum með að taka börnin snemma með inná klósettið þegar við förum sjálf. Þannig læra þau að þetta sé hluti af okkar eðlilega lífi og að allir nota klósettið! Ef þau hafa engan áhuga á þessu af fyrra bragði þá notaru jákvæða hvatningu, talar um klósettið, piss og kúk á jákvæðu nótunum í aðdraganda þjálfunar og lætur það vita að nú sé bleyjutímabilið að taka enda og barnið sé að fara að takast á við nýtt og spennandi verkefni sem er að læra að nota klósettið eins og mamma og pabbi eða stóru krakkarnir. Hvað þarf? Það sem þú þarft er koppur (helst í öllum baðherbergjum ef það eru nokkur á heimilinu) og/eða klósettseta og kollur, og góðar þjálfunarnærbuxur. Við hvetjum þig til þess að venja barnið strax á klósettið svo þú sleppir við að venja barnið af kopp seinna meir. Einnig er mjög gott að eiga blautpoka með tveimur hólfum svo þú getir geymt hrein aukaföt og pissublaut föt í eina og sama pokanum sem er bæði vatnsheldur og heldur lykt í skefjum. Einnig þarftu þolinmæði og hugarfar sem er litað af jákvæðni og stuðning. Við mælum eindregið með þjálfunarpakkanum okkar! Búðu til jákvæða upplifun Gerðu koppaþjálfun að jákvæðri upplifun fyrir barnið þitt. Búðu til þægilegt og aðlaðandi rými á baðherberginu og hrósaðu barninu þínu fyrir viðleitni þeirra. Notaðu jákvæða styrkingu, helst í formi orða, til þess að hvetja barnið þitt til að nota klósettið. Þegar barninu tekst svo að gera stykkin sín í klósettið í fyrsta skipti skiptir máli að hrósa því vel og gera því ljóst að það stóð sig vel. Þá er líklegra að barnið leitist við að endurtaka leikinn þegar því er næst mál.  Það er mjög mikilvægt að skamma ekki barnið ef það verður slys. Það á ekki að skammast sín fyrir það að vera að læra. Því jákvæðari sem upplifunin er því líklegra er að barnið vilji halda þessu ferli áfram. Ekkert sjónvarp eða iPad í bleyjulausum tímaBörn breytast í litla uppvakninga þegar þau horfa. Þau slökkva á heilanum og kveikja bara á slökunartakkanum. Þá verða langoftast slys. Samræmi er lykilatriði Samræmi er lykilatriði þegar kemur að koppaþjálfun. Haltu þig við rútínu og farðu með barnið þitt á koppinn, en ekki þvinga það. Það er mikilvægt að vera þolinmóður og skilningsríkur í gegnum ferlið. Mikilvægt er að fylgjast með atferli barnsins allan tímann og hafa augun á því á öllum vökutímum. Þjálfunin snýst um að taka eftir því að barnið þarf að pissa og koma því á klósettið áður en það pissar á gólfið eða í buxurnar. Á þessu stigi mælum við með að barnið sé bert að neðan heimafyrir eða þá í venjulegum nærbuxum. Það er mikilvægur partur af ferlinu að barnið sjái hvert pissið og kúkurinn fer ef barnið fer ekki á klósettið. Þeim bregður oft í fyrstu og þá er mikilvægt að sýna skilning og útskýra fyrir barninu að nú eigi pissið og/eða kúkurinn heima í klósettinu, ekki í nærbuxunum eða á gólfinu. Svo hjálpist þið að að þrífa þetta (eða þú og barnið horfir á) og endurtakið leikinn! Það er mikilvægt að þú talir við barnið í boðhætti þegar þú séð að barninu er mál. Ef þú spyrð barnið hvað það þurfi að pissa þá eru 99% líkur á því að það svari neitandi þó það sé á iði og þurfi að pissa. Mundu að barnið er að læra nýja lífskúnst og þjálfa nýtt skynfæri. Það er vant því að láta vaða, hvar sem er og hvenær sem er. Það mun gerast að það gleymi sér, sérstaklega þegar það er í dundi. Það er þitt verkefni að einbeita þér að verkefninu, ekki barnins. Þú átt að grípa barnið þegar því er mál og segja „Ég sé að þú þarft að pissa, förum á klósettið núna“.  Í hvert skipti sem barninu tekst að pissa í kopp eða klósett er mikilvægt að þú hrósir því vel. Sum börn þurfa einhverja meiri umbun eins og stimpil, límmiða eða jafnvel nammi. Láttu það eftir þér. Verðlaunin þurfa að vera nógu hvetjandi svo barnið nenni þessu. Fyrir þessi yngri, hafðu augun opin gagnvart merkjum og búðu til tengingar  Það er öflugt að hjálpa barninu að tengja tilfinningar við orð, þannig að þau geta  notað orðin seinna meir til þess að láta vita að þau þurfa að fara á klósettið. Sem dæmi er hægt að halda barni yfir klósettinu (eða hafa það á koppnum) og nota orðið "Kúka!" þegar það kúkar. Hvort sem barnið er að gera stykkin sín eða er búið að því að þá er mikilvægt að hafa orð á því og segja „pissa“ eða „kúka“ og taka það upp, fara með það á koppinn eða á klósettið og skeina því á koppnum/eða klósettinu. Þegar barnið er farið að tengja orðin við athafnirnar og segja þau upphátt er hægt að minna það á að láta vita áður en það lætur vaða þegar það verða slys.Skref-fyrir-skref koppaþjálfun 1. Byrjaðu að kynna hugmyndina Settu koppinn á baðherbergið og leyfðu barninu að sjá hann og jafnvel leika sér með hann. Lesið bækur um koppaþjálfun saman. Leyfðu barninu að sjá að allir fara á klósettið og útskýrðu hvað gerist. 2. Kenndu barni þínu að tengja þarfir við orð Það hjálpar barninu að átta sig á því sem er að gerast og byggir upp tengingar. Þegar þú skiptir á barninu, segðu "Þú pissaðir í bleyjuna. Bráðum ferðu að pissa í koppinn." Þegar barnið kúkar, segðu "Þú kúkaðir. Kúkur fer í koppinn." 3. Leyfðu barninu að æfa sig Láttu barnið sitja á koppnum í fötunum fyrst til að venjast honum. Þegar það er tilbúið, láttu það sitja á koppnum berrassað eftir svefn eða bleyjuskipti. Ekki pressa á að það þurfi að pissa – það snýst fyrst og fremst um að venja það við upplifunina. 4. Skapaðu venjur Settu barnið á koppinn á ákveðnum tímum dags (t.d. eftir mat og fyrir svefn). Notaðu alltaf sömu orð til að útskýra hvað er að gerast "Núna förum við á koppinn áður en við förum út að leika". Ef barnið sýnir áhuga, taktu bleyjuna af á daginn í stuttum skorpum. 5. Búðu til jákvæða reynslu Hrósaðu barninu þegar það situr á koppnum, sama hvort það gerir eitthvað eða ekki. Ekki refsa eða gera mikið úr slysum, þau eru hluti af ferlinu. Ef barnið er tregt, haltu áfram að nota jákvæða styrkingu, t.d. bók, límmiða eða bara hrós. 6. Bleyjulaus tími Þegar barnið er tilbúið, prófaðu að hafa það án bleyju í smá tíma á daginn. Hafðu koppinn aðgengilegan og minntu barnið á að nota hann. Ef slys verða, taktu þeim rólega og segðu "Næst skaltu segja mér þegar þú þarft að fara á koppinn/klósettið." Hvað ef barnið er ekki tilbúið? Sum börn eru einfaldlega ekki tilbúin, og það er í lagi. Ef barnið mótmælir mjög eða sýnir engan áhuga, bíddu og prófaðu aftur síðar. Ef barnið hefur náð góðum tökum en síðan fer aftur í bleyjuhegðun, taktu pásu og byrjaðu rólega aftur. Sum börn ganga í gegnum hræðslustig við að gera stykkin sín í koppinn – þá er gott að bjóða upp á bækur, syngja lag eða hafa leikföng nálægt. Með þessari skref-fyrir-skref nálgun verður koppaþjálfunin rólegri og aðlögun að nýjum venjum verður eðlilegri fyrir barnið. Næstu skref... Þegar barnið er farið að láta vita áður en það lætur vaða og er byrjað að gera stykkin sín nokkuð reglulega í koppinn/klósettið á bleyjulausum tíma, þá er það tilbúið í prófa að vera í venjulegum nærbuxum eða buxum heima. Börn halda oft að þau séu í bleyju þegar þau skynja að þau séu í einhverju að neðan og láta ekkert endilega vita þó þau séu orðin vön að láta vita á bleyjulausum tíma. Því er mikilvægt að byrja á þessu skrefi í öruggu umhverfi. Flest börn verða mjög hissa þegar þau pissa á sig og verða pissublaut og átta sig fljótlega á því að þau séu ekki í bleyju og þurfi líka að láta vita í þessu tilfelli.  Nú fyrst er tímabært að huga að þjálfunarnærbuxur eða æfingarnærbuxum. Við viljum ekki að börnin tengi þjálfunarnærbuxurnar við bleyju. Þær eiga bara að grípa slys og því er mikilvægt að börnin séu komin visst langt í þessu ferli áður en þjálfunarnærbuxurnar eru notaðar. Ekki nema þeim finnist mjög óþægilegt að finna fyrir vætunni og láti vita strax þegar þau hafa pissað.👉 Þjálfunarnærbuxur sem Cocobutts býður upp á Þá gæti gengið að nota þjálfunarnærbuxur snemma í ferlinu. Gott er að miða við að nota þjálfunarnærbuxur þegar þið viljið vernda fötin: eins og þegar er farið í bíltúra, út að leika og slíkt. Ef barnið er að pissa í þjálfunarnærbuxurnar og er ekki að láta vita að þá er mikilvægt að bakka og nota venjulegar nærbuxur eða óvatnsheldar þjálfunarnærbuxur svo þið getið gripið inn í þegar þið sjáið að það hefur orðið slys.  Gerðu ráð fyrir óvæntum slysum Slys gerast og því er mikilvægt að þið séuð viðbúin. Hafið auka föt og annað við höndina, sérstaklega þegar þið eruð ekki heima. Ekki láta hugfallast ef það verða slys, því það er eðlilegur og mikilvægur hluti af ferlinu.   Koppaþjálfun tekur tíma og þolinmæði, en með réttri nálgun og hugarfari getið þið saman náð árangri!   Viltu bæta einhverju við eða með einhverjar spurningar? Skildu eftir komment! Góða þjálfun!  

Er kominn tími á að fara að koppaþjálfa barnið þitt en þú ert ekki alveg viss um hvernig á að fara að eða hvort að barnið þitt sé tilbúið? Þá ertu á réttum stað! Ég veit þér gæti fundist þetta langt blogg en þetta er krefjandi, mikilvægt en líka skemmtilegt verkefni og við viljum veita þér allar upplýsingar og möguleg bjargráð sem gætu hjálpað ykkar ferli! Fáðu þér nú einn kaffibolla og sökktu þér í þetta verkefni okkur og lestu vel og vandlega. Við erum með þér í þessu!Mundu að öll börn eru misjöfn... ... og það er hægt að kenna börnum á kopp á ýmsan hátt. Við hjá Cocobutts mælum með EC(Elimination Communication) sem gengur útá það að lesa merki barnsins og að skapa sambönd á milli orða og þarfa. Þetta blogg er þó ekki alfarið um EC þar sem það eru klárlega heil fræði útaf fyrir sig. En hér höfum við blandað saman ráðum úr EC og hefðbundinni koppaþjálfun! Hvernig veistu að barnið þitt er tilbúið fyrir koppaþjálfun?Áður en þú byrjar á koppaþjálfun skaltu ganga úr skugga um að barnið þitt sé tilbúið í þetta skref. Flest börn eru tilbúin á aldrinum 18 mánaða til 3 ára, en hvert barn er misjafnt. Leitaðu að merkjum um að barnið sé tilbúið, eins og að sýna áhuga á baðherberginu eða eru þurr í lengri tíma. Einnig er sterkt merki þegar barnið þitt streytir mikið á móti á meðan það er verið að skipta á því. Fleiri merki: Bleyjan helst þurr í 2 tíma í einu Bleyjan er þurr eftir lúr Sýnir óþægindi þegar það er með blauta bleyju Felur sig til að pissa eða kúka Pissar sjaldnar en meira í einu Getur dregið niður og hysjað upp buxurnar sjálft Getur setið kyrrt í 2-5 mínútur Skilur og fylgir einföldum leiðbeiningum Börn þurfa ekki alltaf að vera tilbúin. Oftast nægir að þið sem foreldrar séuð tilbúin að taka þetta skref ef barnið þitt er heilbrigt og ekki með nein frávik sem tengjast þroska þess. Þá þarftu bara að ákveða hvenær þú ætlar að tækla þetta verkefni og gefa þér þrjá heila daga í koppaþjálfun og guggna ekki á verkefninu.  Mundu að börn læra best með því að fylgjast með! Við mælum með að taka börnin snemma með inná  klósettið þegar við förum sjálf. Þannig læra þau að þetta sé hluti af okkar eðlilega lífi og að allir nota klósettið! Ef þau hafa engan áhuga á þessu af fyrra bragði þá notaru jákvæða hvatningu, talar um klósettið, piss og kúk á jákvæðu nótunum í aðdraganda þjálfunar og lætur það vita að nú sé bleyjutímabilið að taka enda og barnið sé að fara að takast á við nýtt og spennandi verkefni sem er að læra að nota klósettið eins og mamma og pabbi eða stóru krakkarnir. Hvað þarf? Það sem þú þarft er koppur (helst í öllum baðherbergjum ef það eru nokkur á heimilinu) og/eða klósettseta og kollur, og góðar þjálfunarnærbuxur. Við hvetjum þig til þess að venja barnið strax á klósettið svo þú sleppir við að venja barnið af kopp seinna meir. Einnig er mjög gott að eiga blautpokar með tveimur hólfum svo þú getir geymt hrein aukaföt og pissublaut föt í eina og sama pokanum sem er bæði vatnsheldur og heldur lykt í skefjum. Einnig þarftu þolinmæði og hugarfar sem er litað af jákvæðni og stuðning. Við mælum eindregið með þjálfunarpakkanum okkar! Búðu til jákvæða upplifun Gerðu koppaþjálfun að jákvæðri upplifun fyrir barnið þitt. Búðu til þægilegt og aðlaðandi rými á baðherberginu og hrósaðu barninu þínu fyrir viðleitni þeirra. Notaðu jákvæða styrkingu, helst í formi orða, til þess að hvetja barnið þitt til að nota klósettið. Þegar barninu tekst svo að gera stykkin sín í klósettið í fyrsta skipti skiptir máli að hrósa því vel og gera því ljóst að það stóð sig vel. Þá er líklegra að barnið leitist við að endurtaka leikinn þegar því er næst mál.  Það er mjög mikilvægt að skamma ekki barnið ef það verður slys. Það á ekki að skammast sín fyrir það að vera að læra. Því jákvæðari sem upplifunin er því líklegra er að barnið vilji halda þessu ferli áfram. Í stífri þriggja daga þjálfun þá skiptir máli að þú sýnir barninu að nú er bleyjutímabilið búið. Við hvetjum ykkur til að pakka þeim í kassa og setja hann út og láta barnið vita að eitthvað annað barn sem þarf bleyjur ætli núna að fá bleyjurnar og það verði ekki lengur bleyjur í boði nema fyrir háttinn. Þannig veit barnið að það er ekki í boði að fara til baka. Nokkur atriði til að hafa í huga í stífri koppaþjálfun 1. Ekkert sjónvarp eða iPad- Börn breytast í litla uppvakninga þegar þau horfa. Þau slökkva á heilanum og kveikja bara á slökunartakkanum. Þá verða langoftast slys. Við mælum því með að sleppa glápi ef þú ert í stífri koppaþjálfun. 2. Ekki fara út fyrr en á degi tvö- Ástæðan fyrir þessu er einfaldlega að þú vilt hafa koppinn eða klósettið sem næst barninu þínu fyrsta daginn í þjálfun annars er eiginlega borðliggjandi að barnið pissi á sig. Hér gera þjálfunarnærbuxur ekkert gagn því barnið mun nota það sem bleyju ef það er sett í slíkar þegar það hefur ekki náð grunntökunum og það er ekki tilgangur þjálfunarnærbuxna. Samræmi er lykilatriði Samræmi er lykilatriði þegar kemur að koppaþjálfun. Haltu þig við rútínu og farðu með barnið þitt á koppinn, en ekki þvinga það. Það er mikilvægt að vera þolinmóður og skilningsríkur í gegnum ferlið. Mikilvægt er að fylgjast með atferli barnsins allan tímann og hafa augun á því á öllum vökutímum. Ef þú ert í þriggja daga koppaþjálfun þá er ekki í boði fyrir þig að fara í símann eða taka þér pásu því þá er mjög líklegt að þú náir ekki að grípa barnið þegar það er að pissa. Þjálfunin snýst um að taka eftir því að barnið þarf að pissa og koma því á klósettið áður en það pissar á gólfið eða í buxurnar. Á þessu stigi mælum við með að barnið sé bert að neðan heimafyrir eða þá í venjulegum nærbuxum. Það er mikilvægur partur af ferlinu að barnið sjái hvert pissið og kúkurinn fer ef barnið fer ekki á klósettið. Þeim bregður oft í fyrstu og þá er mikilvægt að sýna skilning og útskýra fyrir barninu að nú eigi pissið og/eða kúkurinn heima í klósettinu, ekki í nærbuxunum eða á gólfinu. Svo hjálpist þið að að þrífa þetta (eða þú og barnið horfir á) og endurtakið leikinn!  Í stífri þriggja daga þjálfun þá er líka mjög sterkur leikur að láta barnið drekka mikinn vökva á meðan þjálfuninni stendur. Þá hámarkaru möguleikana á sem flestum klósettferðum og þar með lærdómstímum. Þú hefur bara eitt tækifæri til að grípa barnið þitt þegar því er mál í hverjum „pissuglugga“. Ef þú sofnar á verðinum og barnið pissar á meðan þá er sá gluggi farinn og þú getur lítið gert en að bíða eftir næsta lærdómstækifæri fyrir barnið.Það er mikilvægt að þú talir við barnið í boðhætti þegar þú séð að barninu er mál. Ef þú spyrð barnið hvað það þurfi að pissa þá eru 99% líkur á því að það svari neitandi þó það sé á iði og þurfi að pissa. Mundu að barnið er að læra nýja lífskúnst og þjálfa nýtt skynfæri. Það er vant því að láta vaða, hvar sem er og hvenær sem er. Það mun gerast að það gleymi sér, sérstaklega þegar það er í dundi. Það er þitt verkefni að einbeita þér að verkefninu, ekki barnins. Þú átt að grípa barnið þegar því er mál og segja „Ég sé að þú þarft að pissa, förum á klósettið núna“.  Í hvert skipti sem barninu tekst að pissa í kopp eða klósett er mikilvægt að þú hrósir því vel. Sum börn þurfa einhverja meiri umbun eins og stimpil, límmiða eða jafnvel nammi. Láttu það eftir þér. Verðlaunin þurfa að vera nógu hvetjandi svo barnið nenni þessu.  Þið eigið mjög líklega eftir að lenda í því að barnið taki bræðiskast á einhverjum tímapunkti. Þarna reynir á hvernig þið setjið barninu ykkar mörk og hefur miklu meira með ykkur að gera sem foreldra heldur en barnið og koppaþjálfunina. Það er mjög mikilvægt að þið standið við það að bleyjutímabilið sé búið og það er ekki í boði að fá bleyju, sama hvað barnið lætur illum látum. Fyrir þessi yngri, hafðu augun opin gagnvart merkjum og búðu til tengingar  Það er öflugt að hjálpa barninu að tengja tilfinningar við orð, þannig að þau geta  notað orðin seinna meir til þess að láta vita að þau þurfa að fara á klósettið. Sem dæmi er hægt að halda barninu yfir klósettinu (eða hafa það á koppnum) og nota orðið "Kúka!" þegar það kúkar. Hvort sem barnið er að gera stykkin sín eða er búið að því að þá er mikilvægt að hafa orð á því og segja „pissa“ eða „kúka“ og taka það upp, fara með það á koppinn eða á klósettið og skeina því á koppnum/eða klósettinu. Þegar barnið er farið að tengja orðin við athafnirnar og segja þau upphátt er hægt að minna það á að láta vita áður en það lætur vaða þegar það verða slys. Hér er dæmi um þriggja daga prógram: Dagur 1 Takið næturbleyjuna af barninu Setjið barnið á koppinn áður en þið setjið það í þjálfunarnærbuxurnar Minnið barnið á 30-40mín fresti að setjast á koppinn Látið það vita af umbunarkerfinu/límmiðunum Útbúið afþreyingabox sem dreifir huganum og heldur þeim í slökunarástandi. Búist við slatta af slysum á fyrsta degi Dagur 2 Sama rútína og dagur 1 Spurðu ‘hvar er koppurinn þinn?’ fáðu barnið til að sýna þér og hvettu það til sjálfstæðis Vertu viss um að barnið drekki mikið af vökva. Heilbrigð blaðra og þarmar eru grundvallaratriði. Ekki gleyma að nota hvatningu til að ná barninu á koppinn/klósettið Notaðu einfalt en áhrifaríkt tungumál þegar þú ert að verðlauna og hrósa barninu Dagur 3 Sama rútína og síðustu 2 daga Haltu áfram að spyrja hvar koppurinn/klósettið er. Það er frábær áminning. Nýjungin að sitja á koppnum/klósettinu gæti orðið þreytandi svo komdu með afþreyingaboxið. Þar sem þau litlu eru oft utan við sig er gott að nota hvatningu aðeins oftar þennan daginn.  Þennan daginn er allt í góðu að fara aðeins á flakkið en helst innanbæjar. Munið eftir koppnum og auka fötum og verðlaunum. Alveg eins og heima, munið að hvetja á 20 mín fresti og haldið verðlaunum og hvatningum reglulegum Næstu skref... Þegar barnið er farið að láta vita áður en það lætur vaða og er byrjað að gera stykkin sín nokkuð reglulega í koppinn/klósettið á bleyjulausum tíma, þá er það tilbúið í prófa að vera í venjulegum nærbuxum eða buxum heima. Börn halda oft að þau séu í bleyju þegar þau skynja að þau séu í einhverju að neðan og láta ekkert endilega vita þó þau séu orðin vön að láta vita á bleyjulausum tíma. Því er mikilvægt að byrja á þessu skrefi í öruggu umhverfi. Flest börn verða mjög hissa þegar þau pissa á sig og verða pissublaut og átta sig fljótlega á því að þau séu ekki í bleyju og þurfi líka að láta vita í þessu tilfelli.  Nú fyrst er tímabært að huga að þjálfunarnærbuxur eða æfingarnærbuxum. Við viljum ekki að börnin tengi þjálfunarnærbuxurnar við bleyju. Þær eiga bara að grípa slys og því er mikilvægt að börnin séu komin visst langt í þessu ferli áður en þjálfunarnærbuxurnar eru notaðar. Ekki nema þeim finnist mjög óþægilegt að finna fyrir vætunni og láti vita strax þegar þau hafa pissað. 👉 Þjálfunarnærbuxur sem Cocobutts býður upp á Þá gæti gengið að nota þjálfunarnærbuxur snemma í ferlinu. Gott er að miða við að nota þjálfunarnærbuxur þegar þið viljið vernda fötin: eins og þegar er farið í bíltúra, út að leika og slíkt. Ef barnið er að pissa í þjálfunarnærbuxurnar og er ekki að láta vita að þá er mikilvægt að bakka og nota venjulegar nærbuxur eða óvatnsheldar þjálfunarnærbuxur svo þið getið gripið inn í þegar þið sjáið að það hefur orðið slys.  Gerðu ráð fyrir óvæntum slysum Slys gerast og því er mikilvægt að þið séuð viðbúin. Hafið auka föt og annað við höndina, sérstaklega þegar þið eruð ekki heima. Ekki láta hugfallast ef það verða slys, því það er eðlilegur og mikilvægur hluti af ferlinu.   Koppaþjálfun tekur tíma og þolinmæði, en með réttri nálgun og hugarfari getið þið saman náð árangri!   Viltu bæta einhverju við eða með einhverjar spurningar? Skildu eftir komment! Góða þjálfun!

Það er eðlilegt að finnast taubleyjulífið vera mikið í byrjun, en mundu að þú þarft ekki að kunna allt strax. Smám saman verður þetta einfaldara, og við erum hér til að styðja þig. Þetta blogg er fyrir öll sem vilja fara af stað en þurfa aðstoð við sín fyrstu skref🤝 1. Fyrst þarftu að kynnast kerfunum sem eru í boði. Byrjaðu á því að lesa þetta blogg um mismunandi kerfi taubleyja og sjáðu hvort að eitt kerfi talar sérstaklega til þín. Almennt mælum við með að prófa flest kerfi áður en þú kaupir allt safnið þitt því annars áttu í hættu með að kaupa of mikið af því sem hentar ykkur síðan kannski ekki🤷🏻‍♀️ Með smá rannsóknum munt þú finna það sem hentar þér og fjölskyldunni best.2. Þetta hefst síðan allt saman á fyrstu bleyjunum. Um leið og þið eruð komin með þær í hendurnar þá eru þið farin af stað. Við mælum hiklaust með einhverjum af taubleyjupökkunum okkar en yfir 100 fjölskyldur hafa byrjað sitt ferðalag með einhverjum þeirra og blómstrað. Hver pakki er vandlega valinn með tilliti til þæginda, notagildis og gæði, svo þú getir auðveldlega fundið það sem hentar þér og barninu þínu. Þetta er frábær lausn fyrir þá sem vilja byrja með fjölnota bleyjur og fá allt sem þau þurfa í einum pakka!👌 3. Ef þú vilt ekki kaupa taubleyjupakka þá er um að gera að útvega sér þær bleyjur sem þér líst vel á, notað eða nýtt.♻️ Markaðstorgið okkar er tilvalið ef þú vilt kaupa notað en einnig bjóðum við upp á lánspakka án endurgjalds. Lánspakkinn er frábær kostur fyrir byrjendur sem vilja prófa án fjárfestingar. Nýburableyjuleigan okkar er svo alveg tilvalin fyrir fyrstu 1-2 mánuði barnsins, því þau vaxa svo hratt í byrjun að við mælum helst alltaf með því að kaupa ekki nýburableyjur heldur frekar fá þær lánaðar eða leigja þær.4. Ef þú hefur tök á því að þrífa annanhvern dag þá mælum við með að eiga 16-20 bleyjur. Þú getur tínt í safnið þitt smátt og smátt eða keypt allar bleyjur í einu sem þér líst vel á.🧸5. Þegar þið eruð komin með bleyjurnar í hendurnar skulið þið lesa þetta blogg hér um hvernig á að preppa þær og nokkrar þumalputtareglur varðandi tau. Einnig skaltu horfa á þetta myndband um hvernig skal setja taubleyju á barn og síðan kanski lesa þetta blogg hér um tau og kúk.💩6. Þegar þið eruð búin að lesa hvernig hvernig á að preppa þær og þekkið þumalputtareglurnar skulið þið einfaldlega fara af stað. Núna er að kynnast taubleyjulífinu sjálfu og tími til að spá í þvottarútínu.🧺 Hér er okkar tillaga að einfaldri þvottarútínu til viðmiðunar🌸 Góð þvottarútína er mjög mikilvæg því taubleyjan er næst húð barnsins og því skiptir miklu máli að bleyjurnar séu hreinar.✨ Einnig er gott að hafa í huga að þvottaefni og önnur aukaefni geta safnast fyrir í þvottavélinni og því gott að huga að hreinlæti þvottavélarinnar líka. Hér er tillaga að því hvernig þú djúphreinar þvottavélina. 7. Farðu af stað og hafðu í huga að í byrjun gertur þetta verið svolítið brösulegt. Verið opin gagnvart leka og almennum ruglingi. Besta ráðið hér er að hlæja bara og reyna betur. Áður en þú veist af ertu komin með skothelda rútínu sem flæðir vel með heimilislífinu þínu. Hér er tékklisti fyrir leka💦 8. Byrjaðu á því að nota bara þau innlegg sem fylgja með🤍 Kanski eru þau nóg- kanski þarftu meira eða eitthvað öðruvísi. Það er ómögulegt að vita hvað þú þarft án þess að prófa bleyjurnar fyrst. Sum börn eru ofurpissarar og þurfa extra rakadrægni á meðan önnur eru bara góð með það sem fylgir. Hér er blogg um mismunandi innlegg en einnig erum við með rosalega góða umræðu um innlegg í highligts á instagram. 9. Þegar þú ert 100% viss um að tau er eitthvað sem þú vilt halda áfram með þá mælum við með því að byrja að tína að sér aukahluti sem gerir tauið svo miklu miklu miklu auðveldara og þægilegra. Hér er okkar tjékklisti✔️☑️  Extra stór deluxe blautpoki til að eiga heima fyrir óhreinu taubleyjurnar☑️  Úrval blautpoka með aðskildum hólfum til þess að hafa í skiptitösku☑️  Hríspappír til þess að setja í bleyjuna til þess að grípa kúk eða til þess að passa upp á bleyjunar ef þú þarft að nota zink krem☑️  Fjölnota þurrkur - hvers vegna ekki bara að taka þetta alla leið? 10. Ef þú ert með einhverjar spurningar sem við höfum ekki svarað hér þá máttu endilega kíkja á þetta blogg um þær algengustu spurningar sem við fáum á borðið til okkar og sjá hvort að þú finnur ekki lausnina þar🪄 Ef ekki þá skaltu ekki hika við að hafa samband við okkur á instagram, spjallinu, Facebook eða einfaldlega hringja í okkur! Einnig mælum við með því að skrá sig á "Taubleiutjatt" eða í Cocobutts fjölskylduna - lokaða facebookhópinn okkar fyrir stuðning og hvatningu!11. Þegar þið eruð búin að tækla daginn þá gæti verið góð hugmynd að spá í næturvaktinni líka✨💤 Hér finnur þú gott blogg um næturbleyjur. Til þess að einfalda næturkaupin enn meira höfum við sett saman þrjá skothelda næturpakka en okkar uppáhalds og uppáhald viðskiptavina okkar er klárlega ullarnæturpakkinn t.d vegna loftunareiginleika og hvað hann dregur úr þvotti. Annars elskum við líka Little Lamb og Alva Baby næturpakkana💙Þetta eru ráðin og skrefin sem munu koma þér af stað. Allar aðrar upplýsingar eru í raun aukatriði sem þú þarft ekki að spá í nema að þú raunverulega vilt það! Mundu að taubleyjulífið er ferðalag sem vert er að taka fyrir þig, fjölskylduna og umhverfið allt. Gangi þér vel og ekki hika við að hafa samband ef einhverjar spurningar vakna! Við erum saman í þessu💖 Láttu vita hvernig gengur, við elskum að heyra frá þér og fjölskyldunni þinni!